Achegámonos á figura do youtubeiro galego Mario Brión, máis coñecido como Olaxonmario, da man do noso colaborador Brais Romero.

A nosa experta en artes visuais, Sara Donoso debulla o Certame Novos Valores 2020 da Deputación de Pontevedra. Falamos cos 4 gañadores desta edición e coa coordinadora de exposicións do Museo de Pontevedra -espazo que acolle esta mostra- Fátima Cobo.

Na sección Nos meus 20 anos, Lucía Junquera aproxímanos á mocidade de Marilar Aleixandre. Escritora e tradutora. Membro da Real Academia Galega desde 2017.