Nunha antiga cidade eslovena, Ptuj, a poeta Chus Pato está convidada a ler unha Carta aberta a Europa en galego. Trátase dunha misiva que recibirán os membros do Parlamento Europeo, do Consello de Europa e da Comisión Europea.
O seu texto arranca da experiencia persoal, dunha viaxe significativa que fixo a través de Ucraína acompañando a Erín Moure, para chegar á guerra actual, e revisar a identidade europea. Coméntanola Alba Cid.
Alba Cid proponnos perecorrer as fronteiras entre o século XX e o XXI con dúas lecturas poéticas: ‘Sonoridade das auras. Poesía reunida de Manuel García Barros’ (Galaxia) e os dous números da Revista Pantano, un fanzine que podemos consultar na súa páxina web.
Hoxe Alba Cid disecciona o último volume de poesía dunha das voces e activistas máis sinaladas da poesía galega contemporánea. 8 anos despois de publicar ‘A segunda lingua’, Yolanda Castaño regresa ao formato libro con ‘Materia’.
Alba Cid comenta Unidade, o primeiro poemario de Alba Doval, publicado pola editora Rodolfo e Priscila.Un libro inspirado pola Unidade habitacional de Le Corbusier, unha cidade-xardín vertical construída enMarsella trala Segunda Guerra Mundial.
Alba Cid lévanos hoxe con dúas creadoras novas, Paula Antía Rey Baliña e Theresa P. Lousame, do 1997 e do 1994. A primeira proposta chéganos da man dun premio de poesía xa consolidado (como é o Francisco Añón, de Outes), e a segunda, ten acubillo na plataforma ARegueifa2.0.
Alba Cid comenta hoxe ‘Palmeiras, piueiros’ de Anxo Angueira, editado en Chan da Pólvora, e que representa o regreso dun silencio poético longo. Angueira é tamén narrador e investigador, presidente da Fundación Rosalía de Castro, e aquí preséntanos un díptico entre a palmeira, que ten o don da visión e da memoria; e o piueiro, termo recuperado polos mariñeiros da Guarda, que son as primeiras pedras ou “pandullos” que encabezan o fondeo dalgunhas redes.
O volume péchase con varias contornas relevantes: unha autopoética asinada polo propio Anxo Angueira, unhas notas de lectura asinadas por Chus Pato e unha entrevista de man de Xabier Cordal.
Alba Cid comenta a obra de Konstandinos Kavafis, un dos referentes da literatura grega contemporánea, a partir da nova tradución ao galego que publica Aira Editorial. ‘Poesía completa anotada’ é un traballo de Miguel A. Areses Martín, co que descubrimos a este creador tan singular, o “historiador poeta”.
Alba Cid fálanos de Un terror de auga fría, a primeira “Escolma da poesía galega do medo” a cargo de Xosé María Álvarez Cáccamo. Do Rexurdimento con Rosalía de Castro ata os nosos días con Antón Avilés de Taramancos ou Celia Parra; nesta escolma, de máis de 40 poetas, encontramos composicións ben coñecidas, case simbólicas, que repasan medos de dimensións trascendental, medos existenciais, medos infantís ou ligador ao terror político e de dimensións éticas.
Recuperamos con Alba Cid un libro dos últimos meses: Ontoloxía poética de Carlos Santiago, editado da man do escritor Carlos Meixide. É unha ontoloxía, máis ca unha antoloxía, “un exorcismo” de textos como anuncia o prólogo, pero en todo caso é un volume recompilatorio da creación poética de Carlos Santiago, nome filiado fundamentalmente ás artes do espectáculo, cunha longa traxectoria escénica e sen deixar de facer pé na escrita, como poeta e dramaturgo.
A revista Dorna chega aos 44 números co subtítulo de ‘Expresión poética galega’. Alba Cid, que forma parte do seu consello de redacción, cóntanos a historia desta revista, que desde os anos 80 recolle o máis novo da poesía galega, con constantes conversas entre as novas xeracións e as xa consolidadas.
‘Dorna’ nace en maio do ano 1981 grazas á iniciativa da Asociación Cultural Dorna, da Illa de Arousa, e a partir do segundo número da publicación, pasa a mans da Cátedra de Filoloxía Galega da USC. Hoxe publícase en coedición entre o Servizo de Publicacións das USC e a Secretaría Xeral de Política Lingüística.