Na sección de Cibrán Tenreiro falamos do novo disco do grupo vigués Tulip que leva por título Estrelas no chan.

Na sección de Ana Abad afondamos na peza Soga e cinsa da compañía Aporía Escénica e conversaremos coa súa directora Diana Mera. Soga e cinsa aborda a caza de bruxas en Europa nos séculos XV, XVI e XVII e pon o foco na relación entre este xenocidio e o desenvolvemento do sistema capitalista.

Por último, achegámonos á mocidade da xornalista, política e escritora María Xosé Porteiro na sección ‘Nos meus 20 anos…’ da man de Lucía Junquera.