‘Azucre’, unha viaxe histórica e literaria da man de Bibiana Candia ata a inmigración galega en Cuba no século XIX. Comentámola con Dolores Vilavedra. 

Os premios Youtubeiras deixaron unha chea de nomes e contidos que paga a pena seguir no YouTube en galego: Toxío foi a mellor canle; Neeumátiko, o mellor youtubeiro; Histérikas Histórikas youtubeiras revelación; Pingando foi premio pioneiro e Falemos do Reino de Galicia premio á calidade lingüística. Pero estes son só algúns exemplos de contidos en galego, especializados e de calidade que se están facendo no YouTube e noutras redes.

Hoxe no Diario cultural falamos de dous destes proxectos. En primeiro lugar, de Neeumatiko, a canle persoal de Nee Barros, que foi o mellor youtubeiro do 2022, e onde fala de literatura galega e temáticas LGTBIQ+. Por outra banda, coñecemos Falemos do Reino de Galicia, a serie web documental que presenta o doutor en Historia Carlos Lixó.

Manuel López Rodríguez fala de Baixo a terra. No ar, o libro co que gañou o X Premio Manuel Lueiro Rey e que publica Edicións Xerais

No 2022 celebrouse o centenario do seu nacemento, e neste comezo de 2023 seguimos recordando a María Antonia Dans, homenaxeada neste Día da Ilustración, que promove a Asociación Galega de Profesionais da Ilustración. Dans foi unha figura destacada na segunda metade do século XX, que retratou os traballos do campo e a paisaxe galega coa muller como protagonista.

 Foi precisamente unha artista comprometida coa súa condición feminina, que cómpre revisar e recuperar. E para iso está tamén este Día da Ilustración. Falamos primeiro con Laura Romero, presidenta da AGPI, sobre a celebración deste día e as reivindicacións do sector.

Pero se hoxe coñecemos tan ben a súa figura e o seu traballo como pintora e ilustradora e grazas, en parte, ao traballo de investigación de críticos e expertos como Rosario Sarmiento. Con ela afondamos no estilo e nos trazos característicos da pintura de Dans.