Videos
As voces esquecidas do psiquiátrico de Conxo
O Arquivo de Galicia da Cidade da Cultura acolle unha exposición que recupera as historias de mulleres que foron ingresadas no Hospital Psiquiátrico de Conxo, creado en 1885 en Santiago. A mostra inclúe expedientes de ingreso, historias clínicas e diagnósticos de mulleres que ás veces eran consideradas enfermas só por transgrediren os roles de xénero da época. Vidas silenciadas pola sociedade, recluídas na institución e cun contacto exterior estritamente controlado. ‘Voces esquecidas. As mulleres do Hospital de Conxo’ permanecerá aberta ata setembro.
“Creo que aínda nos queda moita traxectoria por andar”
Kalandraka, a editorial dos libros para soñar, celebra 25 anos
‘A campá de vidro’, primeiro libro de Sylvia Plath traducido ao galego
Irmás Cartoné trae ao galego a única novela publicada pola poetisa estadounidense Sylvia Plath. A campá de vidro publicouse en 1963, semanas antes da morte de Plath, baixo un pseudónimo. Baseada en experiencias autobiográficas, a protagonista da novela é Esther Greenwood, unha brillante moza de 19 anos que viaxa a Nova York e que cae nunha espiral depresiva. A novela fala de saúde mental e tamén das oprimentes expectativas que a sociedade estadounidense da época impoñía ás mulleres.
O Museo Provincial de Lugo mostra a historia da moeda en Galicia
O Museo Provincial de Lugo exhibe a súa colección de moedas na mostra ‘De monetaria galega. Galiza e a súa moeda dende a Antigüidade ata os nosos días’, que estará aberta ata o 30 de xuño. Conversamos con Pablo Núñez Meneses, un dos comisarios da exposición, que inclúe unha escolma monetaria representativa da historia da moeda en Galicia procedente de coleccións públicas e privadas.
“Síntome un pouco máis libre agora. Unha liberdade bonita”
O escritor Miguel Sande publica Brinde e desespero, a obra gañadora do XXV Premio Johán Carballeira do Concello de Bueu
- ‹ Anterior
- 1
- …
- 82
- 83
- 84
- 85
- 86
- …
- 565
- Seguinte ›