“O segredo é unha boa equipa conectada, coherente e un público moi afín”
María Armesto é a directora artística da Mostra de Teatro Cómico Festivo de Cangas que celebra corenta anos.
Videos
O Consello da Cultura presenta un informe sobre a situación da diversidade sexual en Galicia
O informe é froito do traballo dun cento de participantes no foro ‘Identidades e Disidencias Sexuais’ do Consello da Cultura. Carme Adán, coordinadora do equipo de traballo, preséntanos o documento, titulado ‘Análise, datos e recomendacións para o recoñecemento da diversidade en Galicia’, e accesible na web do Consello. O documento retrata a situación e necesidades das persoas LGBT+ en Galicia e realiza propostas para futuras políticas públicas. Entre os seus eixes temáticos están a cultura e o pensamento, pero tamén a sanidade, os deportes, o ámbito laboral ou as violencias lgbtfóbicas.
“O proceso é máis importante que as imaxes”
O fotógrafo Fuco Reyes gaña o Premio Luís Ksado de creación fotografica coa serie documental Espello de Claude.
50 anos de cultura viva, popular e participativa
A Sociedade Cultural e Deportiva do Condado fai medio século neste 2023 e prepara un libro conmemorativo que recollerá a historia da asociación e unha escolma de poemas da súa actividade máis coñecida, o Festival da Poesía do Condado. Conversamos con dous membros da SCD, Carlos Barros e Bruno Lopes, sobre esta publicación e sobre a próxima edición do Festival, que o 2 de setembro reunirá poetas como Nieves Neira, Séchu Sende, Arantxa Nogueira, Sara Plaza ou Branca Trigo, con músicos como Fillas de Cassandra, Dakidarría, Sés, Caldo, Berto ou Banda Xangai.
Un Luis Seoane co que mirar ao futuro
Dolores Vilavedra lévanos esta semana ata o ensaio con Pablo García Martínez, autor de ‘Alguén Virá. Romanticismo, memoria e revolución na literatura de Luis Seoane’ (Laiovento). Todo un estudoso da figura do escritor e artista galego, exiliado en América, a través da súa produción na década dos 50. Un Luis Seoane conectado co seu tempo e á vez unha figura de referencia para o século XXI.
“Situeime nese espazo onde a gravidez e a terminalidade se tocan. Un ámbito que non é a vida pero tampouco é a morte”
Antón Lopo presenta Diarios/1 [Azul Monforte] co que gañou o Premio de Poesía Fiz Vergara Vilariño.
- ‹ Anterior
- 1
- …
- 56
- 57
- 58
- 59
- 60
- …
- 565
- Seguinte ›