Estíbaliz Espinosa trae ao galego a poesía de Rebecca Elson, unha astrofísica canadense finada en 1999, con só 39 anos. É a primeira tradución peninsular dos versos de Elson, que unen a observación do universo e a mirada ao máis próximo, con sensualidade e humor. Un compromiso co asombro está publicado pola Editorial Galaxia. 

Á barxoleta: Xan Canitrote e unhas monxas sabias

Cando chega a noite enfrontámonos con medos e angustias se cadra non tan afastados cos da infancia. A artista murciana Concha Martínez Barreto traballa co pasado, a identidade ou os falsos refuxios a través da pintura, a fotografía e a escultura. A súa primeira gran mostra na Península está comisariada por Miguel Fernández-Cid e pode visitarse no MARCO de Vigo ata xaneiro de 2024.

Coñecemos unha nova voz da literatura galega, Fabio Rivas, un libreiro pontevedrés de 26 anos. O seu primeiro libro é unha colección de oito contos protagonizados pola violencia, e que en moitos casos narran voces infantís da Galicia da posguerra. A pintura debida inclúe homenaxes a Castelao, Manuel Rivas ou Carlos Casares e está publicado por Edicións Xerais.

Sandra Parguiña e Lucía Perdiz, dúas das artistas seleccionadas no certame Novos Valores