‘Rain’ é o novo disco da Martins Aneiros Band, a sociedade musical formada polo guitarrista e “bluesman” Victor Aneiros e a vocalista Paula Martins. Dez novas cancións, entre versións de pezas emblemáticas do blues e composicións propias, cargadas de calidade e que xa podedes escoitar en tódalas plataformas de música en internet.

Vituco Neira conversou con eles dous no Mardi Gras na Coruña para falar de música, de blues, de sentimento e, por suposto, deste novo traballo.

O Chanfaina Lab volve sementar paixón polo cine en San Sadurniño

Paula Carballeira foi galardoada co premio Nacional de Literatura Dramática que concede o Ministerio de Cultura, pola obra ‘As alumnas’. O xurado valorou o texto como “un eloxio do maxisterio que ensina sobre a dúbida e o debate”. Conversamos coa escritora fenese sobre esta obra protagonizada por dúas ex alumnas de María Barbeito, a mestra republicana represaliada polo franquismo. ‘As alumnas’ está publicada na Editorial Galaxia e fora unha encarga da produtora Culturactiva, que a levou aos escenarios en 2022. 

Pío Barreiro conclúe as súas recomendacións estivais de banda deseñada con varios cómics que falan de fútbol e tamén da realidade social. Temporada de rosas, da francesa Chloé Wary, sobre unha adolescente que xoga ao fútbol; Una pequeña mentira, de Mario Torrecilla e Artur Laperla, sobre un neno que mente a seu pai alcólico dicíndolle que foi seleccionado polo Arsenal e mais Irene, a porteira, a BD de Xulia Pisón e Óscar Losada sobre a pioneira coruñesa do fútbol Irene González Basanta.

Asistimos ás audicións coas que o Centro Dramático Galego escolle os 20 intérpretes do espectáculo que estreará en 2024. Tamara Canosa será a directora da montaxe, que explorará o formato dos talent shows televisivos e formará parte da celebración do cuadraxésimo aniversario da compañía teatral pública.