Lugo acolle a XVI Xornada da Literatura de Tradición Oral, organizada pola AELG: un faladoiro en homenaxe a Dorothé Schubarth, a gala dedicada aos mestres e mestras da memoria e mais unha xornada dedicada ás cancións que se desenvolverá o sábado, titulada ‘Das regueifas ás músicas actuais’, na que participan Sés, O Leo de Matamá ou Alba María.

Conversamos con Lois Pérez, da sección de literatura de tradición oral da AELG e con outros dous dos participantes das xornadas do sábado, a xornalista Marta Veiga Izaguirre, que falará da nova verbena galega e o músico Nuno Pico, que explicará como escribe as súas cancións. 

Unhas 3.000 persoas danse cita, considerado como o encontro musical máis internacional e diverso do mundo. Desprazámonos ata alí para falar con Victor Belho, de Nordesia e Carlos Seixas, do Festival de Músicas do Mundo de Sines.

Inaugúrase na Fundación Laxeiro de Vigo a exposición “O que hai., obxecto, materia e o cotián nos tempos da precariedade”

Comeza na Coruña a 29ª edición do Womex

É a décimo sexta edición do certame anual organizado pola Federación Galega de Bandas de Música Populares, que reunirá máis de seiscentos músicos no Pazo da Cultura de Narón. Once bandas, dúas delas chegadas desde fóra de Galicia, competirán nas diferentes categorías.

Conversamos con Iván Estévez, trompetista e presidente da Federación, e coa pianista e compositora María Mendoza, que dirixirá a Chikiband da Limia, unha das bandas participantes na sección infantil. A Agrupación Musical da Limia, que competirá na sección segunda,  interpretará no seu programa un pasodobre composto por María Mendoza.

O guionista Óscar Cruz visita ó estudo do Diario Cultural para falarnos de “A arte de ser un mal pai”, unha serie en lingua galega que se estrea en Filmin grazas á selección oficial no Festival Serielizados de Barcelona e Madrid.