Legítimo Polvo é o último proxecto do músico do Grove Martín González Conde. Nesta nova proposta que nos presenta Cibrán Tenreiro achegámonos ao novo son de Martín, no que mestura o vello (a súa guitarra) e o novo (trebellos electrónicos), para falarnos de ir de festa, de resacas e de amoríos.
García Mc conversa con Vituco Neira sobre o seu último disco, ‘Arquipélago Quilombo’, que compila as cancións que o rapeiro de Ordes fixo nos últimos anos. Un traballo ecléctico que vai moito máis alá do hip hop e que inclúe moitas colaboracións.
Nace a Asociación de Autoras e Autores Profesionais do Comic de España co propósito de compartir esforzos para mellorar as condicións laborais dos profesionais. A situación do sector é precaria: reclaman un incremento das procentaxes das vendas, que se cumpra a lei que controla a produción, un sistema de distribución transparente e mesmo que se protexan as obras, que son tamén parte do noso patrimonio cultural.
Por iso en APCOMIC son xa máis dun cento de profesionais: presidida por Laura Pérez Vernetti e con sinaturas como Paco Roca, Teresa Valero, Cristina Durán, Fernando Blanco e os galegos David Rubín ou Manel Cráneo, que hoxe está con nós para falar da asociación e da situación do sector.
Hoxe imos coñecer unha nova asociación de autoras e autores de comic, a APCOMIC, que vén de presentarse ao público e que xa conta cun cento de profesionais asociados. Buscan a unión de todos os profesionais para loitar por unhas condicións dignas e saír da precariedade. Na directiva están os galegos David Rubín e Manel Cráneo, e hoxe falaremos con Cráneo, autor e editor.
E despois, tempo de cine con Begoña Vázquez, a compañeira de Sala 5 que está de volta coas mellores estreas.
Propostas de cine e de teatro para esta semana. Comezaremos no cine, coa nova longametraxe do director Darío Autrán: ‘El cuarto de Mona’, unha comedia moi divertida con todo tipo de situacións disparatadas, pero para falar de temas tan importantes como a saúde mental.
E logo, o teatro. Virá o noso colaborador Roberto Pascual a falarnos da nova produción do Centro Dramático Galego, que é ‘A Peste’, dirixida por Cándido Pazó.
Esta semana reúnese por primeira vez o club de lectura de cómic da biblioteca pública de Ourense. A banda deseñada está cada vez máis presente nas bibliotecas galegas, onde os cómics adoitan estar entre as lecturas máis demandadas. Conversamos con María Benítez, a bibliotecaria que coordina este novo club de lectura e coñecemos un club veterano, o da Coruña, no que participa desde 2012 Alberto Ose.