Hoxe temos a presentación de Ferrol 1972, unha peza do compositor Juan Durán cunha historia moi concreta, a daqueles feitos do 10 de marzo do 72, a manifestación obreira en Ferrol na que a policía franquista mataba a dous obreiros de Bazán, Amador Rei e Daniel Niebla. Neste 2022 conmemóranse 50 anos dese suceso, e comezamos a recordalo cun concerto en Ferrol, coa estrea desta peza de Durán.

E despois da música ao teatro con Roberto Pascual, pero cunha obra moi musical, a ‘Smoke on the water’ de Ibuprofeno Teatro.

Con CUAC FM e Tito Lesende.

Con Lois Patiño e cos Mestre Mateo.

Conversamos en forma de reportaxe cos tres proxectos galegos finalistas nos premios Devuego de videoxogos, unha das maiores plataformas deste sector en España. Son Recuncho Gamer de Iago Gordillo; o xobo móbil ‘Aureole’ de Gerardo Borjes; e o evento ‘Música e Videoxogos’ da Fundación do Museo do Videoxogo.

E despois teremos a Begoña Vázquez con máis premios, os Mestre Mateo. Contaranos todo o que agardar desta edición dos máis importantes galardóns de cine e televisión de Galicia.

Con ‘Vagalume’, de Álvaro Iglesias, e coa colaboración de Mario César Vila.

Escribiuse e contouse moito sobre o camiño de Santiago, máis aínda neste dobre ano Xacobeo. Pero hai moi pouca banda deseñada sobre o camiño, e aínda menos novidades. O cómic de hoxe é a excepción. Publicouse en decembro en Demo editorial e vén de ser presentado ‘Destino Santiago’. Un traballo do portugués Helder Rodrigues, que nun momento de crise, bota a andar a Compostela e despois decide plasmar a súa aventura nestas viñetas.

E despois teremos por aquí a Montse Pena Presas con dous álbumes ilustrados para o lectorado máis novo, ‘Elvira’ e ‘A crebeira Maravillas’.