Videos
Telexornais e cancións para coñecer a Florencio
Falamos de dúas iniciativas escolares para coñecer o homenaxeado nas Letras este 2022, o poeta valdeorrés exiliado en México Florencio Delgado Gurriarán. No CPI Os Dices de Rois elaboran cada ano un Telexornal dedicado ao protagonista nas Letras, e no IES Marco do Camballón de Vila de Cruces propoñen coñecer a Florencio a través do seu gusto pola música e o baile a través do proxecto ‘O poeta que baila’.
Sheila Patricia presenta unha marea de sons en ‘Orixe’
Sheila Patricia presenta novo disco, ‘Orixe’. Un deses traballos feitos a lume manso, e no que a tradición, a orixe de todo, está moi presente. 5 anos de traballo para un disco producido entre Galicia e Arxentina e que soa a todas esas tradicións musicais, pero ao mesmo tempo está cargado de actualidade, de sons electrónicos e vangardistas.
Podcast ‘Diario Cultural’ das 10:30
Estamos de estrea! Onte escoitabamos a Sheila Patricia interpretando o himno galego na entrega das medallas do Parlamento, e hoxe témola aquí. Está presentando un novo disco, ‘Orixe’, que sae mañá. Un deses discos feitos a lume manso, e no que a tradición, a orixe de todo, está moi presente.
E despois, as estreas da carteleira para esta semana, como cada xoves, con Begoña Vázquez de Sala 5.
Pasado, presente e futuro da acibechería
Ricardo Rivas é un artesán especializado en ourivería e na talla do acibeche, un dos poucos que permanece no casco histórico de Compostela logo de máis de 50 anos de traballo. Achegámonos ao seu taller na Xoiaría Ricardo, na Rúa da Acibechería, sobre o pasado, presente e futuro deste oficio.
[foto de Artesanía de Galicia]
- ‹ Anterior
- 1
- …
- 153
- 154
- 155
- 156
- 157
- …
- 565
- Seguinte ›