Hoxe temos a novela debut de Cristina Pato. Chámase ‘No día do seu enterro’ (Editorial Galaxia) e ten moitos protagonistas: un pai, unhas fillas e unha cidade.
E despois a colaboración de Luis Miguel Crespo co aniversario da Orquestra Sinfónica de Galicia, que fai 30 anos.
A foliada na súa esencia, a foliada como festa, como encontro, como espazo para compartir música e sabedoría volve á Cidade da Cultura. Será coa 3ª edición do Serán, o Encontro Galego de Cultura Popular. O último celebrouse no verán de 2019, así que podemos imaxinar as ganas que había de volver bailar e cantar.
A pandeireta é a protagonista nesta edición, nos concertos e nas conferencias, como instrumento con moita historia e que está a vivir un dos seus mellores momentos.
Falamos co director artístico do Serán, Quique Peón.