Algúns músicos converteron xa en tradición os seus concertos de Nadal. Falamos con Xabier Díaz, horas antes da súa actuación coas Adufeiras de Salitre na Sala Capitol de Compostela e con José Luís Vázquez, director do coro infantil da Orquestra Sinfónica de Galicia, que actúa en Betanzos, A Coruña e Ferrol na próxima semana. E ademais, concertos de Nadal de Pakolas, Carlos Nuñez ou Tony Lomba & Elio dos Santos. 

O Museo Provincial de Lugo fixo neste 2022 90 anos, o que o sitúa como unha referencia cultural e social na provincia pero tamén na comunidade. Acontementos históricos coma este convidan a mirar cara atrás, coñecer de onde se ven e pensar cara onde se vai. E iso fixo Aurelia Balseiro.

A directora do museo mira aos primeiros 50 anos de historia da institución, os que van desde 1932 a 1982, para dar conta do nacemento do museo e de como foi medrando en espazo, coleccións e influencia, segundo ían avanzando as necesidades e os criterios da museoloxía e da propia provincia.

“O Museo Provincial de Lugo debe ser accesible, inclusivo, diverso e comunitario”

Tito Lesende comenta polo miúdo a nova canción de Iván Ferreiro, ‘En el alambre’, avance do disco que publicará en 2023. Tamén avanzamos a xira que traerá a Salvador Sobral a Galicia en marzo.