Non fales o que non debes, é un consello que a todos nos fixeron nalgún momento da nosa vida. Agora é o título da última novela de Luis Manuel García Mañá publicada por Xerais. A historia dun xuíz que xace morto na rúa, e que nos abre as portas ao funcionamento dun dos tres poderes do Estado: o xudicial. Focalizado, ademais, na vida dun xuíz cunha vida bastante achegada ó sórdido, malia non ser o que un esperaría atopar na vida dun maxistrado.