Xackal preséntannos o seu primeiro disco longo, ‘Vén forte ben forte’, unha viaxe sonora desprexuizada, vestida de electrónica, ritmos latinos e conexións atlánticas, da bossa ao house pasando pola música de raíz galega e outros moitos ritmos. O trío, formado por Nano Suárez de Lis, Gael Mvundi e Javi Otero, actúa o sábado 20 de xaneiro na sala Rebullón de Mos e regálanos nesta entrevista unha versión en vivo da súa canción ‘Cabo Victoria’.