Tanxugueiras preséntanse no seu novo disco cunha treboada. Aida Tarrío, Sabela e Olaia Maneiro publican ‘Diluvio’, música contra os discursos de odio, contra as envexas e as culpas. 10 cancións que chaman “aprendizaxes capitais”, algunhas novas e outras vellas coñecidas, que todas cantamos a pulmón nos seus concertos. 

Olaia Maneiro parou esta mañá nos micros do Diario Cultural, aínda cos nervios e a emoción, para compartir as súas impresións con nós.