Coñecemos este novidoso proxecto de investigación que une música e ciencia co obxectivo de buscar novas terapias para enfermidades como Alzheimer ou a parálise cerebral. O Instituto de Investigacións Sanitarias de Santiago e a Real Filharmonía de Galicia únense este venres 30 de setembro nun concerto no que se recollerán mostras biolóxicas do público, para coñecer como os estímulos musicais inflúen no ADN.Preséntannos este proxecto pioneiro o investigador Antonio Salas Ellacuriaga e a directora técnica da Real Filharmonía de Galicia, Sabela García Fonte.