As Regueifas de Ciencia son debates científicos sobre temas de actualidade, organizados na Facultade de Ciencias da Comunicación de Santiago de Compostela. O último debate formulaba esta cuestión: As diferenzas de xénero teñen unha base biolóxica?

Esta iniciativa ten como obxectivo achegar a ciencia á poboación para coñecer novas ideas. Os participantes deben posicionarse sobre o tema antes de comezar e tamén ao rematar. Desta forma podemos saber se hai cambios de opinión entre a audiencia. O xornalista Manuel Vicente é o moderador destes debates e asegura que “as Regueifas buscan crear ese lugar de encontro máis alá do ruído mediático”.