Coñecemos tres festivais que reivindican o seu lugar de nacemento. Comezamos en Burela co Osa do Mar, que este venres e sábado ofrece concertos de Grande Amore, Arde Bogotá, A Pedreira ou La La Love you. Continuamos no Ribeiro co Arteficial que este sábado celebra en Ribadavia unha nova romaría da música e a cultura alternativa. Este sábado comeza tamén Espazos Sonoros, un ciclo de concertos que leva música antiga e clásica a espazos como o Dolmen de Dombate, o mosteiro de Sobrado ou as fragas do Eume.