A asociación que agrupa as empresas escénicas galegas, Escena Galega, fai 20 anos neste 2022. O primeiro acto de celebración é o recoñecemento como socias de honra de tres compañías históricas: Lagarta Lagarta, creada en 2001 por Rosa Álvarez e o finado Ernesto Chao; Ancora Producións, nacida en 1989 por iniciativa de Anxela G. Abalo e o falecido Gustavo Pernas Cora e mais Tanxarina Títeres, compañía de monicreques aínda en activo, formada por Tatán, Miguel Borines e Andrés Giráldez.