Como se escribe e se canta sobre a perda, sobre a morte? Nun momento de tristeza e de dicir adeus, Alberto Martínez Vecino de Chicharrón enfrontou a morte de Teresa, a súa nai, procurando gardar todos os recordos e facelos música. Deses meses de despedida naceu ‘Erosión’, o novo disco da banda de Carballo.

Falamos de disco pero deberiamos falar de casette. En Erosión recuperan a cinta, anímannos a recuperar os nosos vellos reproductores, e así fannos tamén partícipes desa homenaxe a Teresa. A morte primeiro, pero a vida, irremediablemente, está neste traballo de Chicharrón. ‘Erosión’, 10 cancións que xa son de todos e todas.