David Ledesma é un intento de escritor de novela negra que traballa nunha empresa de limpeza. Nunha escena con sangue coñece a Belén, médica forense, coa que casa e teñen a Mauro. Pero Belén ten ELA, e morre tempo despois. Entón David coñece a unha segunda muller, María, tamén con sangue polo medio logo dun disparo accidentado.

O lector chega a todos os personaxes a través dunha sorte de carta que David lle escribe a María, e que conforma ‘O meu sangue’, a nova novela do xornalista e escritor Diego Giráldez.