O documental ‘Songs to the dead children in Auschwitz’ recorda a historia de Gisella Perl, xinecóloga xudía prisioneira no campo que axudou a abortar a centos de prisioneiras para evitarlles as torturas de Josef Mengele. Ese episodio ilústrase coas ‘Cancións para os meniños mortos’, compostas por Gustav Mahler a principios do século XX. O filme documental, obra do tamén compositor Eduardo Soutullo foi galardoado no Kursaal Film Festival, no Festival de Cine Social de Castilla La Mancha e no AMUA de Hondarribia.