O escritor Joseph Roth naceu en 1894 en Brody, unha cidade hoxe ucraína e daquela, parte do imperio austrohúngaro. Exerceu como xornalista en Berlín e Viena, das que tivo que marchar tralo ascenso de Hitler ao poder. O selo Faktoría K da editorial Kalandraka publica en galego a súa novela A lenda do santo bebedor, unha fábula moderna sobre un vagabundo no París de entreguerras.