A Fundación Rosalía de Castro e a Asociación Cultural Dorna da Arousa son as encargadas de poñer en marcha esta décima edición da Inchadiña Branca Vela. Será este sábado 2 de setembro cando máis de trinta embarcacións chegadas das diferentes rías galegas farán o percorrido polo Ulla e o Sar que remata no Espolón de Padrón. Todo para homenaxear a figura de Rosalía de Castro. Puidemos conversar con Anxo Angueira, presidente da Fundación Rosalía de Castro, e Héctor Suárez, director da Escola de Navegación Tradicional Dorna da Illa de Arousa.