Humorista, debuxante, guionista da TVG, un dos pioneiros do cómic galego, militante antifranquista… En apenas 39 anos de vida Xesús, ‘Chichi’, Campos sumou todas esas facetas e converteuse nun retratista iconoclasta da sociedade galega do seu tempo. Seu fillo, o tamén guionista Nico Campos, é o comisario da exposición Xesús! 70 anos de Campos, que recolle a obra gráfica e audiovisual. A mostra pode visitarse na Fundación Luís Seoane da Coruña ata outubro.