Novembro é sinónimo de cine en Compostela dende hai máis de 30 anos. Cineuropa reafirma un ano máis a súa función social e democratizadora. “É un festival do público, do cine como función social”, explica o director José Luis Losa. Este ano, un dos eixes do festival é a defensa do cine libre e sen mordazas. O ano pasado, máis de 25.000 persoas gozaron de Cineuropa.

Esta edición conta cun ciclo dedicado a mulleres experimentalistas de América Latina e outro ao redor do aniversario do cine romanés. Tamén estarán presentes os últimos traballos de realizadores galegos como ‘Trote’ de Xacio Baño e ‘Hamada’ de Eloy Domínguez Serén.