Conversamos con Lois Patiño sobre ‘Samsara’, que chega ás salas de cine o mércores 20 de decembro. No filme pídeselles aos espectadores que cerren os ollos durante varios minutos, nun tránsito que nos leva de Laos a Zanzíbar e da morte a un novo renacer, nunha viaxe sensorial e espiritual. ‘Samsara’, que leva o nome do ciclo budista de morte e reencarnación, conseguiu o premio especial do xurado na sección Encounters do festival de Berlín.