Hoxe desenvolveuse na Facultade de Ciencias da Comunicación da Universidade de Santiago de Compostela a primeira sesión do Seminario Permanente de Comunicación e Xénero. O encontro foi organizado polo Grupo de Estudos Audiovisuais e estivo dirixido pola catedrática de Ciencias da Comunicación e Publicidade da USC Margarita Ledo Andión.

O seminario busca ser un foco permanente de discusión e formación sobre o papel dos medios na vertebración da sociedade, con especial atención na visibilización informativa e cinematográfica da identidade de xénero.