Esta semana Armando Requeixo proponnos no Diario Cultural a lectura de dúas obras clásicas da narrativa europea que acaban de ser traducidas ao galego: ‘Noventa anos despois’ (Hugin e Munin), do serbio Milovan Gliši?, e ‘A pantasma de Canterville’ (Sushi Books), do irlandés Oscar Wilde.

Armando Requeixo recomenda a lectura da orixinal obra ‘Lascas’, de Héctor Pose e Héctor Francesch, editado por Estraperlo. 

‘Dicionario irreal para un país imposible’ (Xerais), de Xavier Seoane é un libro singular. Ideado como unha sorte de enciclopedia sui generis, inclúe distintos capítulos arredor dos máis variados temas que se organizan alfabeticamente, pero que non pretenden a exhaustividade, como nun dicionario convencional, senón que son o froito da escolla persoal e sempre orixinal do seu autor.

Mitos, persoeiros, lendas, tópicos e outras realidades son olladas aquí dende o ángulo do sociolóxico e do histórico, tamén do hermenéutico, o simbólico e o antropolóxico, mais sempre con humor, fina ironía, salpresado de retranca e, sobre todo, espírito crítico.

Cóntanos máis sobre esta obra o noso colaorador Armando Requeixo. 

Xurxo Sierra Veloso convídanos a unha cidade tomada por visóns modificados xeneticamente en ‘Benvidos á cidade’ (Galaxia). 

Cóntanos máis sobre este relato Armando Requeixo. 

A tribo que conserva o lume, de Teresa Moure, achéganos á vida de Lía Pereira, unha filóloga que namora na Facultade dun enigmático rapaz, Thomas Dinger.

Alén dun cativador thriller cheo de sorpresas, a novela desenvolve tamén unha apaixonante historia de amor, ademais de abrirse a lúcidas reflexións sobre conceptos como os de idioma, nación e poder.

Cóntanos máis Armando Requeixo.

A novela de Xosé Peinó, ‘Bica de Montouto’, merecedora do Premio Balbino 2020 é motivo de comentario de Armando Requeixo.

Montouto é un lugar no medio da nada, catro casas contadas. Os personaxes, xa anciáns, deciden non renderse e dar a última batalla antes da desaparición do lugar. Unha metáfora sobre a resiliencia e o amor ás raíces. 

Relatos australianos que chegan ao galego da man de Moisés Barcia para Rinoceronte Editora. 

Unha recomendación de Armando Requeixo. 

Armando Requeixo achéganos á obra de Rebeca Baceiredo. ‘Éxodo’ é un conxuntode relatos poéticos e filosóficos. 

‘Sete días com Elisa’, de Óscar Senra Gómez (Através Editora), debrúzanos no relato das vidas de dúas mulleres do rural periurbano: Elisa, unha profesora xubilada que abandona a tolemia da cidade para vivir tranquilamente no campo; e Amalia, exemplo de muller afouta do rural, que soporta un matrimonio insatisfactorio.

Un comentario de Armando Requeixo. 

Armando Requeixo recomenda a lectura de ‘O estado intermedio’, de Rexina Vega. Un relato dunha filla que despide ao seu pai a través das lembranzas.