Rosario Sarmiento comenta a exposición ‘Lodeiro. A xeometría inexacta’, que incide na xeometría como elemento fundamental para entender a obra do pintor vigués Xosé Lodeiro, finado en 1996. A mostra pode visitarse na Fundación Laxeiro de Vigo ata o 16 de xaneiro.

A exposición de arte ‘Humano, más humano‘ desembarca n’A Coruña, da man da Fundación Barrié, con grandísimas obras. Unha das máis relevantes noticias do mundo da arte que sempre nos trae a nosa colaboradora de arte Rosario Sarmiento.

A nosa colaboradora de arte, Rosario Sarmiento, achéganos a figura de Jesús Núñez, gravador, ilustrador e fundador no ano 1997 do Centro Internacional da Estampa Contemporánea (CIEC). Unha referencia no mundo do gravado contemporáneo que foi nomeado académico de Honra da Real Academia Galega de Belas Artes o pasado sábado día 2, precisamente na sede da Fundación CIEC de Betanzos.

Rosario Sarmiento fálanos hoxe da mostra “A mirada acesa” do pintor Din Matamoro, aberta no museo MARCO de Vigo ata novembro. 

Rosario Sarmiento completa a súa proposta estival de obras de arte instaladas en espazos públicos falándonos da escultura “A Ferida”, unha obra do artista Alberto Bañuelos instalada en Muxía, preto do santuario da virxe da Barca. 

Rosario Sarmiento fálanos hoxe da obra “O Galo” ou “A Pasionaria”, de Camilo Otero, situada na entrada da Facultade de Económicas de Santiago de Compostela.

Unha escultura emblemática que  foi realizada por Camilo Otero (Santiago de Compostela1932-2003) en 1978. É unha peza en bronce, agasallo do escultor á súa cidade natal. Evoca un animal imposible, de gran potencia formal que alude a unha serie de  elementos e signos  matemáticos en clara  sintonía co estilo neofigurativo deste interesante escultor.