Na colaboración musical de Alfonso Espiño no Diario Cultural falamos do concerto do próximo sábado 17 de abril no Teatro Jofre de Ferrol. Alí actuarán o grupo ferrolán Mentah e Los Eternos, de Cedeira.

Na colaboración do Diario Cultural con Alfonso Espiño descubrimos o disco ‘Blut’ de BabyKatze, unha artista arxentina afincada en Vigo. Entre os títulos máis destacados está ‘Pantera Crystal Remix’. Neste espazo musical, falamos tamén da volta das músicas ao vivo. A artista coruñesa María Jesús Cabana, Astrogirl, anuncia concerto en Ribadavia.

Na colaboración de Alfonso Espiño no Diario Cultural descubrimos a música de Lado C e Óscar Avendaño.

Na colaboración do domingo con Alfonso Espiño falamos de próximos concertos. O dúo portugués Just Us, integrado por Sandrine Orsini e Ricardo Dikk, percorre a xeografía galega para ofrecer música ao vivo. O último concerto foi na SalaSon de Cangas. Tamén descubrimos ao dúo Barullo Tango, formado por Alejandro Szabo e Alejandro Casquero.

No Diario Cultural con Alfonso Espiño facemos balance dun ano de pandemia no mundo musical. Xusto hai un ano, o 14 de marzo do 2020, chegaban estreas, novos traballos e publicacións. Camiños musicais que quedaron sen saída e que hoxe, un ano despois, escoitamos e lembramos nas ondas da Radio Galega.

Alfonso Espiño recorda este ano de pandemia recuperando a música dos coruñeses Thee Virus e pecha esta semana do 8 de marzo cunha canción de Mallou, o novo proxecto de Sabela García Bello e Benxamín Vázquez.

Na colaboración do Diario Cultural con Alfonso Espiño falamos da música ao vivo. Coñecemos grupos que teñen previstas actuacións e concertos nos próximos días, entre eles está Zënzar, unha banda de Cerceda que publicou o traballo “Benvidas ao futuro”.

Na colaboración de Alfonso Espiño na edición do Diario Cultural dos domingos falamos das novidades musicais:

Dende Palencia chegou a cantautora Alba Wayra. Non tardou moito en comezar a compoñer en galego melodías que, nas súas palabras, son medicina para a alma.

Na colaboración de Alfonso Espiño no Diario Cultural descubrimos as novidades musicais da semana:

Logo de publicar ‘Rúa Arcebispo Malvar’, o músico pontevedrés Miguel Alberte edita un novo sinxelo. Trátase dunha nova versión dun tema que aparecera no seu primeiro disco. A canción, chamada ‘Humo‘ é unha oda ás locomotoras de vapor e a nostalxia dun romanticismo “un tanto esaxerado, pero sincero”. Unha creación que, segundo o autor, merecía unha revisión e unha segunda oportunidade.