A coruñesa Elba Fernández actúa este xoves 27 de decembro en Ourense co seu proxecto musical, Morden. Pop intimista e moderno que encheu un gran número de salas durante este ano.
Tamén falamos de Sinistro Total, a popular banda que sempre está de actualidade. Este venres 28 actúan na Iguana Club. Ata alí desprazarémonos para vivir de preto o concerto cunha edición especial do Diario Cultural.
O noso colaborador Tito Lesende infórmanos sobre as novidades musicais para as vésperas do nadal.
O noso colaborador experto en música pop e rock, Tito Lesende, tráenos os últimos concertos e novidades musicais. Entre os actos atópase a actuación do grupo madrileño Morgan, que estará o 14 de decembro na Sala Capitol de Santiago de Compostela.
O noso colaborador, Tito Lesende, tráenos as novidades musicais para os próximos días. Comezamos coa banda compostelá, Oh Ayatollah!, que compartirá escenario este venres cos vigueses Kings Of The Beach. O concerto será na Sala Súper 8 de Ferrol.
Falamos tamén da derradeira xira de Nao, que comezarán o 5 de decembro en Santiago de Compostela.
Acordámonos ademais dos barceloneses Sidonie, que celebran o seu 20º coa publicación ou reedición dunha intensa serie de discos.
Lembramos finalmente a Frank Zappa, pois o 4 de decembro cumpriranse 25 anos da morte deste xenio irreverente da música rock.
Brais Morán pecha o ciclo DOCE na Sala Mardi Gras da Coruña este venres 23 de novembro. Soarán cancións do seu novo disco “No Mato do desespero”, publicado a pasada primavera.
Ademais, o Coliseum da cidade herculina recibe un dos concertos de rock máis grandes do outono. Trátase de Loquillo, que está este sábado na súa xira Rock and Roll Actitud 2018.
En Ponteareas, Santi Araújo presenta este domingo o seu disco “Catedral”, publicado a comezos deste mesmo mes. Será no Auditorio Reveriano Soutullo.
Na axenda musical destacada desta fin de semana falamos do adianto do novo disco de Baiuca que contén cancións de Aliboria.
Escoitamos tamén un tema de SFDK, que estarán en concerto o sábado, o día 17 en Santiago de Compostela. Hoxe mesmo na Coruña estarán María Arnal & Marcel Bagés.
E escoitamos tamén o tema ‘Multiverso’ como adianto do novo diso de Zahara.
A axenda destacada desta fin de semana tráenos a Xoél López o sábado 10 en Vigo. Os grupos Cró e Diola tamén estarán o venres 9 en Santiago e o 10 en Ferrol. Elefantes actuará na capital galega o día 8, en Vigo o 9 e na Coruña o 10. Por último, Dakidarría estará o sábado en Bueu.
O repertorio de músicas que escoitamos esta semana: The Limboos con ‘I don’t buy it’, Culture Club con ‘Karma chameleon’, Boy George con God & love e Jane Birkin con ‘Fuir le bonheur de peur’.