Afonso Becerra analiza ‘Unha inimiga do pobo’, de Talía Teatro. É a versión teatral da peza de Henrik Ibsen, con dramaturxia de Vanesa Sotelo e Tito Asorey. A obra estreouse en 2023 e continúa en cartel. ‘Unha inimiga do pobo’ é un espectáculo de grande formato, no que se equilibran de xeito moi rítmico as escenas máis dramáticas coas máis teatrais e festivas. Unha peza de teatro político sobre a corrupción do sistema, sustentada pola propia corrupción do pobo e as súas comenencias máis inmediatas.

O colectivo Vacaburra, formado por Andrea Quintana e Gena Baamonde, presenta o espectáculo ‘O raro é que bailar sexa raro’. Unha peza que pon en cuestión os estereotipos de xénero, como aprendemos a ser mulleres ou homes e como integramos a danza na nosa vida en función do xénero. As creadoras rachan cos límites da danza e rompen co imaxinario colectivo condicionado pola mirada heteropatriarcal. A peza é unha “sacudida” aos compartimentos estancos e aos límites mentais que forman parte da nosa realidade. Afonso Becerra analiza esta obra na sección de voces expertas do Diario Cultural.

Alfonso Becerra fai balance do ano escénico 2023. Na lírica, destaca o traballo e o repertorio das asociacións de amigos da ópera da Coruña e Vigo. Entre eles, destaca a novidade da ópera infantil ‘Oca’, con letra de Gloria Rico, e con música e composición de Juan Durán. O ano 2023 comezou xa co éxito da estrea de ‘Mosca’, da compañía Ártika, con texto e dirección de Gustavo del Río.

Afonso Becerra tráenos unha recomendación exótica con danza, teatro e música en directo!

‘Blues de Medianoite’, un espectáculo de Laboratorio Escénico e Alba Fernández Cotelo.

Afonso Becerra tráenos un espazo de encontro entre propostas escénicas galegas e portuguesas en fase embrionaria.

Trátase do VI Festival Pezas dun Teatro do Porvir, celebrado o pasado 18 de novembro coa organización da AELG.

Afonso Becerra tráenos… ‘Manuela is in da house’. Coa dirección de Fran Núñez, estreouse o pasado 10 de novembro no Teatro Sá de Miranda de Viana do Castelo (Portugal).

Hoxe Afonso Becerra tráenos ópera. ‘Don Pasquale’ da Asociación Amigos da Ópera de Vigo, pertencente ó seu “Outono Lírico”.

Afonso Becerra fálanos de ‘Berro’, a peza coa que Nova Galega de Danza celebra o seu 20 aniversario.

Hoxe Afonso Becerra tráenos algo diferente: circo. O espectáculo “Isolada” da pallasa Natalia Outeiro.

Este venres Afonso Becerra tráenos unha exposición: 10º aniversario do grupo de teatro Eu.Experimento do Camões Centro Cultural Portugués en Vigo. Ata o 24 de outubro.