Propoñemos para este verán, da man e grazas ó noso colaborador Mario César Vila, percorrer unha serie de rutas con historia que nos permitan achegarnos ao pasado a través de visitas a xacementos, monumentos, vilas ou lugares singulares.

Nesta quinta entrega faremos un percorrido na provincia de Ourense dende Allariz á Limia: a
Vila histórica de Allariz, a Basílica das Ascensión, o Forno da Santa e o xacemento galaico-romano de Armeá (Allariz), o Sistema de fortificacións da lagoa de Antela, os Miliarios de Vilariño das Poldrás (Sandiás) a Pedra Alta (Xunqueira de Ambía/Sarreaus) e, por último, o Convento do Bon Sexús de Trandeiras.