Celebramos o aniversario da editora Kalandraka, que acaba de facer 25 anos publicando literatura infantil e xuvenil, e mais de Embora Edicións, que fai 30 anos e ten unha colección dedicada á LIX. A primeira lectura que propoñemos hoxe é ‘Verme’, un libro acordeón sen palabras que nos leva ao fondo da terra, da autoría de Federico Fernández e Germán González. A segunda, ‘Violeta Parapluie’, un álbum de poesía cunha galería de personaxes estrambóticos, escrito por Ramón D. Veiga e debuxado por Iván R. As dúas obras son finalistas nos premios Follas Novas do libro galego na categoría de álbum ilustrado.