Mario César Vila fálanos hoxe do reino suevo instalado na antiga Gallaecia, o primeiro reino cristián da Europa occidental continental. Lembramos este período da nosa Historia do fío da publicación da tradución ao galego de ‘Como vivir unha vida honesta’, escrito por Martiño de Dumio para o rei galego Miro. O texto está accesible no web do Consello da Cultura Galega, que o 11 de abril lle dedica unha xornada á figura de Martiño de Dumio e á súa influencia na cultura galega.