Andrea Villa dá conta da nova directiva do Clúster do Audiovisual Galego, unha entidade que agrupa produtores de medio cento de empresas do audiovisual e que agora preside Alfonso Blanco, da produtora Portocabo. Outra produtora galega, Andrea Vázquez, de Miramemira, foi recoñecida pola revista Variety como unha  das profesionais españolas máis interesantes no sector. Ademais falamos da Mostra de Cinema Periférico, que se desenvolve na Coruña entre o venres 26 de maio e ata o 4 de xuño.