Cibrán Tenreiro achéganos en formato “concurso” unha serie de novidade do panorama musical zeta que inclúe a Berto & Marinha, SXSXSX, Néboa & Antía Muíño e Giusseppe.

Cibrán Tenreiro fálanos no Zeta da complicada situación pola que está a pasar o Casino de Carballo. A problemática é un xuízo no que se vai decidir sobre a propiedade deste lugar, que é dos poucos edificios históricos que quedan na vila. Os inicios desta asociación, co nome de Sociedade Cultural e Recreativa Bergantiños, están en 1889, pero levan neste local como arrendatarios desde 1925.

Neste caso o conflito legal é entre eles e unha empresa inmobiliaria, Horta do Casino. Cibrán falou con Olivia Pena, unha das persoas que participan do Casino 1889, para que nos explicase un pouco o que fan e en que situación se atopan.

Legítimo Polvo é o último proxecto do músico do Grove Martín González Conde. Nesta nova proposta que nos presenta Cibrán Tenreiro achegámonos ao novo son de Martín, no que mestura o vello (a súa guitarra) e o novo (trebellos electrónicos), para falarnos de ir de festa, de resacas e de amoríos.

Cibrán Tenreiro comeza ano no Zeta recollendo a música de todos aqueles artistas que lle quedaron no tinteiro do 2021. 

Elba e o seu ‘Todo guay’

Cibrán Tenreiro preséntanos a súa última obsesión musical: as Bratzantifa. Elas son Marina e Lucía e defínense como “hooligans do blandito”, pero o certo é que detrás hai toda unha actitude política. Pensan na música como algo democrático e non están especialmente preocupadas pola técnica. As letras de Bratzantifa son unha conversa entre amigas.