Achegámonos á fin de semana, e xa sabemos que un dos mellores refuxios contra as altas temperaturas son as salas de cine. Hoxe teremos por aquí a Moncho Lemos para comentar as estreas, que veñen especialmente frescas, película de Nadal incluída. Pero antes, unha mostra fotográfica arredor do arquivo do vigués Raniero Fernandez, que se inaugura esta tarde no CGAC de Compostela.

O noso colaborador de hoxe, Roberto Pascual, é ademais o director da Mostra Internacional de Teatro de Ribadavia, polo que hoxe nos acompañará para falarmos da trixésimo oitava edición, que comeza este venres. O punto de partida da MIT será a entrega do premio de honra Roberto Vidal Bolaño, que este ano recibirá Eduardo Cunha, ‘Tatán’. Con el comezamos esta media hora de cultura e de teatro.

Martes de literatura, a que nos vai achegar Armando Requeixo, hoxe co novo ensaio de Victorino Pérez Prieto. Pero antes imos a Merza, no concello de Vila de Cruces. Alí comezou o domingo a segunda edición do Galaico Brass Festival, un evento dedicado aos instrumentos de metal, que teñen moita sona e tradición na comarca. Falamos cun dos organizadores, o trompetista Yael Fiuza.

Estamos a xoves, así que toca convidar a Moncho Lemos para que nos fale das máis esperadas estreas de cine, pero antes imos conversar coa tradutora Eva Almazán sobre ‘O ano do pensamento máxico’, o recoñecidísimo libro de Joan Didion, que por fin podemos ler en galego.