Iniciamos setembro con cine en compañía de Moncho Lemos: falaranos das estreas máis interesantes, que pasan por moito cine español e polas Olimpíadas de Barcelona.

E comezamos en San Sadurniño, coa xa tradicional cita co audiovisual que teñen neste concello, onde hoxe comeza a séptima edición do Chanfaina Lab.

Despedimos o mes de agosto con danza en Lugo acompañadas da colaboradora Rut Balvís. Estaremos con Pablo Novoa no Barbeira Season Fest de Baiona. E comezamos conversando con Natalia Mosquera, editora de La Cúpula.

Imos descubrir a nova colección de fotografía da plataforma A Regueifa 2.0, que nace co libro ‘Passing Place’ do fotógrafo de Celanova Adolfo Fernandez Piñeiro. Unha crónica visual a partir dunha viaxe ás Terras Altas de Escocia. E despois conversaremos con Alba Cid sobre Europa a través da poesía.

Ademais da sesión de cine que nos ten preparada Moncho Lemos, quixemos ter con nós ao compositor e pianista Brais González. O vigués está ás portas de estrear en Italia a súa primeira ópera, ‘Loba Branca’, baseada nunha lenda da serra do Courel.