Convidamos ao pianista compostelán de jazz Abe Rábade para escoitar con el o seu novo disco, Botánica.

E despois seguimos cun programa moi musical, porque o colaborador Afonso Becerra comentaranos a ópera ‘Papagena’ da compañía ButacaZero.

Temos de convidado a Armando Requeixo, editor de ‘O mundo e outras vésperas’, unha coleccion de artigos de Álvaro Cunqueiro en Galaxia. E despois poñédevos cómodos, que imos con sesión de cine con Moncho Lemos.

Hoxe estreamos colaboración neste Diario das 10:30. Estaremos falando de videoxogos con Luz Castro, profesora da Universidade da Coruña. Pero antes imos descubrir que é iso das residencias literarias con Ana Cabaleiro e Cándido Paniagua.

Miramos aos guións, peza fundamental na construción dunha boa serie, cos guionistas Gema Neira e Carlos Portela. Comentamos o libro ‘10000 millas de andar na bici’ de Xabier Cid con Dolores Vilavedra.

Facemos un percorrido por cincocentos anos de persecución do galego con Carlos Callón. E en canto á colaboración, estaremos escoitando boa música folk con Emilio Españadero de Lume na Palleira.