Coñecemos con Pablo Gómez Sala, responsable do Museo Online de Cine Autobiográfico, as gravacións caseiras e familiares que moitos temos na casa, e que contan historias de interese particular e global. Desta volta presentan ‘Reencontros’, historias da emigración.

E seguindo coas historias, as que cada martes nos achega a nosa colaboradora de literatura Dolores Vilavedra. Hoxe, ‘Stoner’ de John Williams.

Estamos na Facultade de Ciencias da Comunicación da USC, onde se presentan as fotografías gañadoras desta edición do Premio Ksado, con Xurxo Lobato e Brais Lorenzo. E despois quedamos con Emilio Españadero, que nos trae moita música de raiz.

Estamos está mañá en Vigo, onde estes días debaten sobre a relación entre videoxogos e literatura, no marco dunhas xornadas organizadas pola Fundación Carlos Casares. Logo cruzaremos a raia co noso colaborador de teatro Afonso Becerra, que nos vai levar ata Gimaraes.