Esta pasada edición do Festival Curtocircuíto deixou un nome na primeira plana, o de Nerea Barros. A compostelá estréase como directora coa curta ‘Memoria’. Conversamos con ela e recibimos tamén a Dolores Vilavedra para falar de literatura escrita por mulleres.

Son días moi fotográficos en Galicia, porque a eses actos do premio Ksado dos que falamos o luns, agora súmase un festival de Fotografía de nova creación. En concreto de Fotografía e literatura: o Cámara Escura de aCentral Folque. E despois imos ata o Pazo da Opera da Coruña, cos concertos dos que nos vai falar Luis Miguel Crespo.