O comezo de 2019 chega co estreo da película ‘Memorias dun home en pixama’, unha comedia romántica protagonizada por Raúl Arévalo e María Castro.

Escoitamos o novo libro-disco ‘Cantamos’ de Luís Vallecino. Para despedir o ano 2018, Armando Requeixo recoméndanos unhas boas lecturas para comezar o novo ano entre boas letras.

Descubrimos os ‘bailegramas’ de Serxio Cobos, creados para converter a música tradicional galega en pezas eternas que o paso do tempo non poda borrar. Como cada venres, Montse Pena recoméndanos obras de literatura infantil e xuvenil.

Celebramos os 20 anos do Festiclown, unha forma única de gozar do humor. Como cada xoves, música con Tito Lesende.

Falamos co escritor Antón Lopo do seu novo libro ‘Extraordinario’, un percorrido pola memoria dunha infancia marcada pola figura materna. Unha historia sobre a xeración que medra nos últimos anos do franquismo.

O escritor explica que a súa obra é unha forma de narrar a vida, como “se sobes a un tren e falas cunha persoa que che conta a súa vida porque sabe que nunca máis vos atoparedes”, confesa Antón Lopo.

Lemos o poemario ‘Actores vestidos de calle’ de Luisa Castro. Como cada xoves, as estreas cinematográficas chegan con Begoña Vázquez.

“Phonorama” amenizará a noite de fin de ano na Praza de Cervantes en Santiago de Compostela desde a 01:00 da madrugada. Falamos con DJ Mil para que nos conte un pouco máis sobre a actuación e a súa carreira.

Ademais, xunto á nosa colaboradora Rut Balbís, facemos un balance sobre a situación da danza no noso país.

Falamos co músico Xabier Díaz e imos ata a MOTI de Ourense para vivir cos pequenos da casa a mostra de teatro infantil.