A curta galega ‘Benvidas ao club’ sobre a operación Carioca recibe o Premio Especial Biznaga de Prata no Festival de Málaga. A trama corrupta, o tráfico de mulleres e a explotación sexual son os protagonistas deste documental dirixido por Carmen Granxeiro. Unha obra que loita por visibilizar a realidade da prostitución a través deste caso lucense.

Chega o Día da Muller e coñecemos iniciativas e proxectos para reinvindicar os dereitos das mulleres. Imos ata o Consello da Cultura Galega e tamén falamos de artes escénicas con Roberto Pascual.

A compañía Redrum Teatro estrea mañá a obra ‘Idiota’ no Teatro Principal de Santiago. A peza é unha comedia negra con texto de Jordi Casasnovas. Unha historia de crítica política e social sobre a manipulación e o poder. Como nos manipulan sen saber nós que estamos sendo estudados?

A mostra Cosmoloxías mestura arte e ciencia no Colexio de Fonseca. Falamos coa artista Irene Dubrovsky e co físico Jose Edelstein. Coma cada martes, tempo de literatura con Armando Requeixo.

O Teatro Español de Madrid estrea este mércores unha ópera bufa dirixida pola galega Marta Pazos. A obra ‘Je suis narcissiste’ é unha coprodución do Teatro Real e o Teatro Lliure. Trátase dunha peza na que se fala do individualismo extremo.

Facemos un repaso dos Premios Mestre Mateo, a gran gala do audiovisual galego que tivo lugar o pasado sábado na Coruña. Coma cada luns, falamos de música tradicional con Emilio Españadero.