“Vai Embora!” é o novo single de MJ Pérez , o  primeiro tema en portugués da cantautora galega. Nesta nova canción combina a súa esencia con influencias da música folclórica portuguesa e o Fado. E hoxe no Diario Cultural falamos con ela.

Ademais a nosa colaboradora Beli Martínez, entre outras cousas, preséntanos a programación do CGAI dos meses de maio e xuño, e fálanos das películas de Berto Gracia ou do novo de Ángel Filgueira.

Hoxe e mañá o CGAC acolle unhas xornadas científicas para a investigación en arte e estética contemporáneas. Nelas presentaranse algunhas das aproximacións máis innovadoras que se están a aplicar ao estudo do fenómeno artístico tanto desde a historia da arte como desde a estética. Para coñecer o obxectivo destas xornadas falamos con Miguel Anxo Rodríguez, profesor da USC e director da xornadas científicas do CGAC.

Tamén hoxe falamos con Juan de la Colina, comisario da exposición sobre a obra de Maruxa Seoane que dende hoxe se pode visitar no Pazo de San Marcos da Deputación de Lugo.

Neste Diario Cultural falamos con Alexandre Rodríguez Guerra do Observatorio de Neoloxía da Universidade de Vigo porque detectaron máis de 2000 neoloxismos en lingua galega en só un ano. Tamén temos colaboración de poesía con Alba Cid.

O Centro Cultural Marcos Valcárcel de Ourense acolle a retrospectiva “O reino do vento” de Alfonso Sucasas e oara coñecer mellor esta exposición falamos coa súa comisaria Mecedes Rozas. Ademáis hoxe comeza a octava edición do Festival Primavera do Cine en Vigo que se vai a celebrar ata o 5 de maio. Danos todos os detalles Juan de Castro, director do Festival.

Programa especial do Diario Cultural dende o Multiusos Fontes do Sar de Santiago de Compostela onde esta noite actúa Bob Dylan. Por iso temos un programa monográfico sobre o músico no que contamos co noso colaborador musical Tito Lesende e co músico Javi Pardo

Hoxe coñecemos a escolma de poemas de Emily Dickinson ‘Herba abraiada’, traducida ao galego por Marta Dahlgren e Manuel Forcadela e que publicará o vindeiro 10 de maio Rinoceronte Editora. No Diario Cultural falamos cos traductores da obra sobre a autora estadounidense que se negou a facer públicos os seus escritos en vida.

Tamén hoxe celebramos o Día da Danza dende as estacións de ferrocarril e tren, e o aeroporto, de Santiago de Compostela.