Estase a celebrar o Congreso da Asociación de Estudos sobre Discurso e Sociedade que reúne máis de 200 especialistas en Santiago.Un Congreso que en ediciósn anteriores tivo lugar en  Sevilla, Coímbra, e Barcelona. O tema deste ano é ‘Voces, silencios e silenciamentos nos estudos do discurso’ e coñecemos todos os detalles con Luz Zas , da organización do Congreso da Asociación de Estudos sobre Discurso e Sociedade; e Xosé Luís Regueira Fernández, un dos autores da ponencia de “Cambio lingüístico, ruralidade e creación de novas identidades sociais”

Ademáis coñecemos o libro ‘MNemea’ que ven de publicar a Editorial Galaxia, da man do seu autor, Xosé Duncan.

Neste ‘Diario Cultural’ falamos co actor galego Sergio Pazos sobre a nova serie de ficción da TVG ‘Auga Seca’; un thriller de seis capítulos ambientado entre Vigo e Lisboa, e conta a historia de Teresa, interpretada pola actriz portuguesa Victoria Guerra, unha muller que decide infiltrarse nunha organización criminal para vingar a morte do seu irmán. Unha trama que xirara ao redor da brigada de tráfico de armas e crimen organizado que dirixe o inspector Viñas ao que interpreta Sergio Pazos.

Tamén temos colaboración de artes do movemento con Rut Balbís que nos fala do Galicia Escena Pro.

O libro ‘Lugares’ de Vari Caramés é semifinalista dos premios Foto España.
Falamos con Suso Vázquez Gómez, un dos promotores da Fabulatorio,a  editorial de ‘Lugares’, e tamén coa artista Elena Colmeiro que hoxe inaugura a exposición ‘Construyendo con los materiales. Elena Colmeiro. 1958-2016’ na Casa das Artes de Vigo.

Programa especial sobre música contemporánea co noso colaborador Luis Miguel Crespo.

A palabra contemporánea úsase para designar aquelas composicións ou aqueles movementos artísticos musicais que foron nacendo nos últimos anos, e hoxe coñecemos o proxecto Container, que é unha plataforma internacional que realiza actividades en América e Europa, sempre propoñendo nos seus programas a máis nova creación e experimentación visual e sonora.

Container Galicia nace co propósito de aportar á escena musical galega sistemas de produción e intercambio artísticos que xeren contextos propicios para a creación de novas estéticas musicais. Os seus compoñentes son: Sara Méndez, saxofonista natural de Sober; Pablo Paz, percusionista de Pontevedra; a pianista María Domínguez, de Ourense; e o compositor e artista multimedia vigués Pedro González.

Hoxe falamos da décima edición da Mostra de Cinema Periférico da Coruña, ou S8, que se está a celebrar nestes días porque hoxe arranca o Ciclo Jonás Mekas, unha homenaxe ao cineasta, considerado o pai do cinema experimental, falecido a comezos de ano.
E tamén coñecemos a xornada sobre videoxogos que está a ter lugar no Marco de Vigo, da man da deseñadora de videoxogos e profesora da USC, Luz Castro.

‘El primer loco’ é a derradeira novela de Rosalía de Castro e editora Albarellos ven de publicar unha edición facsimilar e ilustrada desta obra que conta con ensaio previo de María do Cebreiro e Germán Labrador, especialistas da obra de Rosalía de Castro.

Falamos con Henrique Alvarellos, editor do libro, e con María do Cebreiro. 

Tamén temos recomendación de arte con Rosario Sarmiento.

Neste Diario Cultural falamos co director do CGAC, Santiago Olmo, xa que tamén dirixe o proxecto ‘We Refugees’ que se inaugurará o 28 de xuño. Trátase dunha exposición que aborda a universalidade da experiencia do exilio e o dereito de asilo nas sociedades democráticas contemporáneas.

Ademáis María Silva, unha das integrantes de Tanxedoras, cóntanos como vai a ser o concerto do vindeiro sábado en Vigo no que estarán acompañadas por Roberto Comesaña ao acordeón.