Hoxe ten lugar a Xornada ‘Pensar con Orgullo’ no Consello da Cultura Galega. Un debate aberto e plural con diferentes especialistas nos estudos queer e LGBTIQ promovido pola Sección de Pensamento do Consello da Cultura Galega. Coñecemos os detalles con Beatriz Suárez Briones, profesora de Teoría da Literatura e Literatura Comparada da Universidade de Vigo e que falará da “identidade desde o desexo”.
Descubrimos os últimos achados da Cova Eirós. No tempo de literatura falamos con Armando Requeixo de libros recomendados.
Neste Diario Cultural coñecemos o cartaz deste 2019 para o festival +Que Jazz que se vai celebrar na Coruña do 3 ao 20 de xullo.
Tamén falamos con Angélica Sátiro, pedagoga brasileira que inaugura na Fundación Luis Seoane a exposición dedicada ao proxecto filosófico ‘El jardín de Juanita’, unha iniciativa internacional centrada na formación ecolóxica.
Hoxe comeza o Galicia Escena Pro, a feira de artes escénicas de Santiago de Compostela chega a súa sétima edición coa organización comaprtida da Xunta de Galicia e o colectivo Escena Galega. Coñecemos todos os detalles co director de AGADIC, Jacobo Sutíl; Belén Pichel de Escena Galega e Pilar Portela, programadora do Pazo de Cultura de Pontevedra e Presidenta do colectivos de xestores galegos.
Tamén coñecemos o cartaz do +QueJazz 2019. Un festival que chega a súa sexta edición na Coruña.
A Central Folque publica ‘Sindo de Olelas. Concertina galega’. Como cada luns, tempo de música tradicional con Emilio Españadero.
Neste programa coñecemos o novo disco de Genís Segarra e Carlos Ballesteros, Hidrogenesse, titulado ‘Joterías bobas’.
Tamén temos colaboración musical con Matías Tarrio.
Neste Diario Cultural falamos con Amador Castro, Premio Xerais de Novela 2019 por ‘Shangai a Barcelona’ e coñecemos tamén as obras gañadoras do Jules Verne e Merlín.
Tamén coma todos os domingos, colaboración de ciencia con Manuel Vicente
Hoxe coñecemos a Galicia Escena Pro que se vai a celebrar en Compostela dende o vindeiro luns 10 de xuño ata o xoves. Trátase da sétima edición dunha feira de artes escénicas na que se exhibirán 20 espectáculos, 17 deles galegos.
E tamén coñecemos a Xornada de Clubs de Lectura que se celebran na Escola Galega da Administración Pública.
E coma todos os venres, colaboración de audiovisual con Beli Martínez.
A ópera ‘Tosca’, de Puccini, chega a Compostela o vindeiro domingo. No tempo de literatura infantil e xuvenil con Montse Pena falamos de libros para coñecer un pouco mellor o planeta.
O filme ‘A Sombra da lei’ de Dani de la Torre e participado pola TVG ven de gañar en Escocia o premio Celtic Media Festival a mellor película.
Ademais en Vilagarcía de Arousa, do 19 ao 21 de xullo, temos unha cita co Festival VilaBlues. Estudio 3 e Radio Galega Música son programa e emisora oficial, e coñecemos todos os detalles e o cartza da man do seu promotor Gumersindo Meijón.
E na colaboración de hoxe máis música con Tito Lesende.